Äre spezielle Kaddo: Part(en) vum Energiepark Mëllerdall

Villmools Merci fir Ären Interessi un der Energiekooperativ. Well bis elo schonn eng ganz Rei Bierger sech un der Kooperativ bedeelegt hunn, konnte mir scho 4 Photovoltaik-Anlagen an Optrag ginn. Enn Januar 2021 kënnen d’Anlage vun Zëtteg a Bäertref un d’Netz goen, an déi nächst sinn d’Anlagen um Daach vun der Sportshal zu Konsdref an um Daach vum Waasserbaseng zu Hiefenech, dëst alles duerch d’Ënnerstëtzung duerch intresséiert an engagéiert Bierger.

Aner Projete ginn nach op hir Rentabilitéit ënnersicht a ginn duerno konkret geplangt an ëmgesat.

Verschenkt duerfir fir Chrëschtdag een nohaltegen an zukunftsorientéierte  Kaddo: Undeeler un der Kooperativ an domat un de Projete vum Energiepark Mëllerdall! Dëst stellt eng staark Investitioun an eng propper Zukunft duer a garantéiert Iech och e Rendement. Sou kënnt Dir gréng Energie ënnerstëtzen an aktiv eppes fir de Klimaschutz maachen.

Merci am Viraus!

An esou geet et:

1) Kaddosformulaire hei opmachen<- KLICK

 

2) Liesen, ausfëllen, erausprinten a verschenken!